Anders.

Ghenomen hebbende in AB eenig punt / naer gevallen / als B, so sal men in de verlengde CA, AD en DE k elck gelijck nemen aen AB, ende l uyt E door B een rechte liny trecken. In welcke so men m stelt BF gelijk BE en haelt AF, so seg ick dat deselve den hoeck BAC in tween gelijck deelt.

Want aenghesien / treckende DF, de driehoecken DBF n en BDA elck aen den driehoeck BED gelijck zijn / so sal mede den driehoeck BDF aen den driehoeck BDA gelijck wesen. Hierom / dewijl die staen op een selve grondt BD, deselve dan oock o staen tusschen twee even wijdige DB, AF; e‾n om sulcx p den hoeck BAF soo groot is als den hoeck ABD, en den hoeck FAC so groot als den hoeck BDA. Nu is q den hoeck ABD so groot als den hoeck BDA. Waerom dan oock den hoeck BAF so groot is als den hoeck FAC, en dienvolgens den hoeck BAC door de liny AF in twee gelijck gedeelt. 't Welck te doen was.