gelijck betoont zijn / dat medec de hoecken ABG, AFG ghelijck zijn. Op gelijcke manier / dewijl in de 2^de figuer de hoecken BEA, AEG, als oock FDA, ADG d t'samen so groot zijn als 2 rechte hoecken / ende de hoecken BEA, FDA gelijck bewesen zijn: so sullen mede e AEG, ADG gelijck wesen. Vorders / alsoo in beyde figueren BA is gelijck AF, en AD ghelijck AE, en oversulcx f de gantsche BD gelijck de de gantsche EF; ende hier beneffens beyde hoecken ABG, ADG des driehoecks BDG in't bysonder gelijck zijn aen beyde hoecken AFG, AEG des driehoecks FEG: so sal mede g de syde BG aen de syde GF ghelijck wesen. Waerom / nademael alsoo de syden BA, BG des driehoecks BAG in't bysonder gelijck zijn aen de syden AF, FG des driehoecks FAG ; ende de 3^de syde AG aen elck gemeen is : soo volgt h dat mede den hoeck BAG aen den hoeck FAG gelijck is: en daerom den hoeck BAC in d' 1^ste figuer door de liny AG in tween gelijck gedeelt. Welcke gelijcke hoecken dan elck in de 2^de figuer van 2 rechte afgetrocken / so resten mede i de hoecken BAg en FAg malkanderen gelijck. 't Welck te doen was.