Eyndelijck den gegeven hoeck C recht zijnde / alsoo in dat gheval / CE  b, nul doet: so sal oversulcx de vergelijcking zijn
yy  aa − xx
, dat is /
y 
√
aa − xx 
betoonende dattet punt G alsdan in de halve omtreck van een rondt komt te vallen / diens halve middel-lijn is AB, en middel-punt H. In welcken gheval x altijt minder moet genomen worden dan a.

Op het 3de Voorstel.

III. Werck-stvck.

Op een gegeve rechte liny AB een driehoeck te beschrijven, als AEB, soo groot zijnde als een gegeven recht-lynisch vlack C.

't Werck.

Deelt AB in 2 gelijcke deelen in D, en maeckt op AD in sulcken hoeck / als 't valt / naer 't 45ste Voorstel des 1sten boecks Euclidis, het even-wydig vierkant ADEF gelijck 'tgegeven vlack C, en haelt AE, EB: dan seg ick dat den ∆ AEB soo groot is als het gegeven vlack C.

't Bewijs.

Na 't 34ste Voorstel des 1sten boecks Euclidis, is den ∆ AFE gelijck den ∆ AED, ende naer het 38ste Voorstel desselven boecks is den ∆ AED soo groot als den ∆ DEB: waer uyt dan volgt / dat beyde ∆ken AFE en AED t'samen / dat's / den vierhoeck ADEF, soo groot zijn als beyde ∆ken AED en DEB t'samen / dat's / den ∆ AEB. Nu is den vierhoeck ADEF door 't werck so groot als het vlack C. Waerom dan mede den ∆ AEB so groot is als het vlack C. Ende is alsoo op AB een ∆ beschreven / gelijck 't gegeven vlack C. 't Welck te doen was.

Vorders / dewijl / na 't 37ste Voorstel des 1sten boecks Euclidis, alle driehoecken / als AEB, AGB, staende op eene liny AB, ende onder eenselfde evenwydige / als FEG, even-groot zijn: soo blijckt / soo men uyt beyde eynden der liny AB tot eenig punt in de liny FEG, waer 't valt / als G, haelt beyde linien AG, GB: dat deselve een ∆ maecken sullen / als AGB, die soo groot is alsset gegeven vlack C.

Soo